അകലത്തിന്റെ ശീലം/ടി.പി.വിനോദ്

ആ നഷ്ടം

എനിക്കൊരു സ്ഥലമാണ്

ഇടയ്ക്കിടയ്ക്ക്

ആരോടും പറയാതെ

എന്നോടു പോലുംആലോചിക്കാതെ

അവിടേക്ക് പോയി

അൽപമകലെ നിന്ന്

പാത്തും പതുങ്ങിയും

നോക്കിക്കണ്ട്

തിരിച്ചു വരാറുണ്ട്

അങ്ങോട്ടേക്കും

തിരിച്ചുമുള്ള വഴി

എപ്പോഴും ഓർമ്മ  നിൽക്കാനുള്ള

ഒരു വ്യായാമമാണ്

മൊത്തത്തിലുള്ള എന്റെ ജീവിതമെന്ന്

വേറെ ചിലപ്പോൾ എനിക്ക് തോന്നും,

പാത്തും പതുങ്ങിയും

അൽപം അകന്നു നിന്നും

ഏത് നഷ്ടം എന്നത് പ്രസക്തമല്ല

നിർണയിക്കാനോ

നിർവ്വചിക്കാനോ പറ്റാത്ത

അകലത്തിലുള്ള

വേറെയൊരു സ്ഥലമാണ്

അപ്രസക്തി.