കുളത്തില്‍ മീന്‍ തുപ്പുന്ന കുമിള
അതിന്നടിയില്‍ നഷ്ടപ്പെട്ടൊരു ഗോട്ടി,
ഒരു പീപ്പി,ചോക്കിന്‍ കഷണം,താക്കോല്‍,ചങ്ങല
കുളത്തില്‍ മീന്‍ വിടര്‍ത്തുന്ന വലയം
അതിന്നടിയില്‍ ശ്വസിക്കുന്ന താമരവളയങ്ങള്‍
അതിന്നപ്പുറത്ത് നിറഞ്ഞ വയലുകള്‍
ഉടഞ്ഞ കണ്ണാടി പോലെ
അതിന്നപ്പുറത്ത് കുളത്തിലേക്ക് വീഴുന്ന ആകാശം
ഓരോ തവണയും ആകാശം
മുകളിലെത്താന്‍ ശ്രമിക്കുന്നു
ഓരോ തവണയും കുളത്തിലേക്ക്
കനത്തു വീഴുന്നു
മലര്‍ത്തിയടിക്കപ്പെട്ട ഒരാമയെപ്പോലെ
കുളം പിടയ്ക്കുന്നു.
----------------------------------------------------
No comments:
Post a Comment