നമുക്കിടയിൽ ഒരു പുഴയുണ്ട്
തിടുക്കപ്പെട്ടോടി
കരകളെ കരയിക്കുന്ന ഒന്ന്
നമുക്കിടയിൽ ഒരു കാടുണ്ട്
ചീവീടുകളെ ഇറക്കിവിട്ട്
രാത്രിയെ പേടിപ്പിക്കുന്ന ഒന്ന്
നമുക്കിടയിൽ ഒരു കടലുണ്ട്
ഗർജ്ജിച്ചു ഗർജ്ജിച്ച്
തീരത്തെ ഞെട്ടിക്കുന്ന ഒന്ന്
നമുക്കിടയിൽ ഒരു മരമുണ്ട്
പൂക്കാത്ത ചില്ലകളെ
ഇലകളാൽ മൂടുന്ന ഒന്ന്
നമുക്കിടയിൽ ഒരു നിഴലുണ്ട്
നിന്നിലേക്കു ചാഞ്ഞ്
നിന്നിൽ നിന്നെന്നെ മറയ്ക്കുന്ന ഒന്ന്
----------------------------------------
No comments:
Post a Comment