നമ്മൾ തിന്ന
മീനുകളുടെ കൊച്ചുമക്കൾ
നമ്മുടെ ചിതാഭസ്മം നോക്കി ചിരിക്കും.
നമ്മൾ തിന്ന
പോത്തുകളുടെ കൊച്ചുമക്കൾ
പള്ളിപ്പറമ്പിലെ പുല്ലു തിന്നും.
നമ്മൾ തിന്ന
കണ്ണിമാങ്ങകളുടെ കളിക്കൂട്ടുകാർ
നമ്മുടെ ചിതയിലെ
മാവിൻ വിറകായ് വരും.
നമ്മളുടുത്ത
പട്ടുടയാടകൾക്കായ് പിടഞ്ഞുചത്ത പുഴുക്കളുടെ കസിൻസ്
മണ്ണിനടിയിൽ നമ്മളെ തിന്നാന് കാത്തിരിക്കും .
പൂജ്യത്തിൽ നിന്ന്
പൂജ്യമെടുത്താൽ
പൂജ്യം ബാക്കിയാവും.
No comments:
Post a Comment