പിടയുന്നു ഭൂമി.,ഞാന്‍ സാക്ഷിയായൊരു പൊതി-
ക്കടല കൊറിച്ചു നില്ക്കുന്നു,
പൊട്ടും പൊടിക്കുമായ് കൂനനുറുമ്പുകള്‍
വട്ടത്തിലോടിയെത്തുന്നു,
കണ്ണന്‍ചിരട്ടയില്‍ കൊണ്ട സമുദ്രത്തില്‍
വീഴുന്നെറുമ്പു, ചാകുന്നു,
കടലയ്ക്കു കൈനീട്ടി നില്ക്കുമക്കുഞ്ഞിന്‍റെ
കണ്ണില്‍ കടല്‍പ്പാമ്പിളക്കം,
കണ്ണന്‍ചിരട്ടയില്‍ കാല്‍തട്ടി വീണെന്‍റെ
സൂര്യനും താണുപോകുന്നു,
ഇരുളിന്‍റെ തേറ്റയേറ്റിടറി,ഞാന്‍ വീഴുന്നു
പിടയുന്ന ഭൂമിതന്‍ നെഞ്ചില്‍,
കൈവിട്ടുപോയ്പ്പൊരിക്കടലകള്‍ മാനത്തു
കണ്‍മിഴിച്ചെന്നെ നോക്കുന്നു.
ഇവിടെയിപ്പിടയുന്ന ഭൂമിയല്ലാതെനി-
ക്കഭയമില്ലാശ്വാസമില്ല.
---------------------------------------
No comments:
Post a Comment