കുഴിയാനകളുടെ
ഘോഷയാത്രവരുന്നിടത്താണ്
ഞാന്‍ അച്ഛനും
നീ അമ്മയും
ആയിരുന്നത്
മണ്ണപ്പം ചുട്ട്
നമുക്ക് പിറക്കാത്ത മക്കളെ
ഊട്ടിയത്
കഞ്ഞിയിലും കറിയിലും
കൈകള്‍ കിടന്ന് കുഴഞ്ഞത്
ഓലക്കാലില്‍ വാച്ചും കണ്ണടയും
പീപ്പിയും പന്തും കാറ്റാടിയും
ഉണ്ടാക്കിയത്
കുഴിയാനക്കിണറുകള്‍ക്കരികെയാണ്
രാശിക്കുഴി കുത്തി നാം ഗോലി കളിച്ചത്
ഓരോ കളിയിലും തോറ്റവന്‍െറ
ഭൂപടം വരച്ചത്
കുഴിയാനക്കാടുകള്‍ക്കരികിലാണ്
സേഫ്റ്റിപിന്‍ കൊണ്ട് നാം ഇട്ടൂലി കളിച്ചത്
സേഫ്റ്റിപിന്‍ തേടിയലഞ്ഞെന്നെ
ചൂടും തണുപ്പും മാറ്റിപ്പറഞ്ഞ്
നീ പറ്റിച്ചത്
കുഴിയാന കുത്തിമറിച്ചിട്ട മണ്‍കൂനയിലെവിടെയൊ ആണ്
ഇട്ടൂലി കാണാതായത്.
അവിടെവിടെയോ വെച്ചാണ് നാം പരസ്പരം കാണതായതും ..
................................................................
*ഇട്ടൂലി
കോട്ടയം ജില്ലയില്‍ കുട്ടികള്‍ കളിക്കുന്നൊരു കളിയാണിത്. കുറേ കുട്ടികള്‍ കണ്ണടച്ച് പുറം തിരിഞ്ഞ് നില്‍ക്കും. ഒരു കുട്ടി സേഫ്റ്റിപിന്‍ വലിച്ചെറിയും. അത് മറ്റുള്ളവര്‍ കണ്ട് പിടിക്കണം. സേഫ്റ്റിപിന്നിന്‍െറ അടുത്ത ാണ് എത്തുന്നതെങ്കില്‍ ചൂട് എന്നും അകലെയാണ് നില്‍ക്കുന്നതെങ്കില്‍ തണുപ്പെന്നും സേഫ്റ്റിപിന്‍ എറിഞ്ഞകുട്ടി പറയും. അത് അനുസരിച്ച് അന്വേഷിച്ച് കണ്ടെത്തണം സേഫ്റ്റിപിന്‍.
*ഇട്ടൂലി
കോട്ടയം ജില്ലയില്‍ കുട്ടികള്‍ കളിക്കുന്നൊരു കളിയാണിത്. കുറേ കുട്ടികള്‍ കണ്ണടച്ച് പുറം തിരിഞ്ഞ് നില്‍ക്കും. ഒരു കുട്ടി സേഫ്റ്റിപിന്‍ വലിച്ചെറിയും. അത് മറ്റുള്ളവര്‍ കണ്ട് പിടിക്കണം. സേഫ്റ്റിപിന്നിന്‍െറ അടുത്ത ാണ് എത്തുന്നതെങ്കില്‍ ചൂട് എന്നും അകലെയാണ് നില്‍ക്കുന്നതെങ്കില്‍ തണുപ്പെന്നും സേഫ്റ്റിപിന്‍ എറിഞ്ഞകുട്ടി പറയും. അത് അനുസരിച്ച് അന്വേഷിച്ച് കണ്ടെത്തണം സേഫ്റ്റിപിന്‍.
No comments:
Post a Comment