കൊമ്പുള്ളവന്
രാജാവാകുമ്പോഴാണ്
പകല്പ്പക്ഷിയെ
ഇരുള്മൃഗം ഇരയാക്കുന്നത്.
ചെന്നായ്ക്കള് മാസ്ക്ക് ധരിച്ചു
അനുചരരാകുന്നത്.
ഉന്മാദിയായ പിതാവ്
പിഞ്ചുശരീരം വിറ്റ്
മദ്യപ്പൂക്കള് വാങ്ങുന്നത്.
കൊമ്പുള്ളവന്
രാജാവാകുമ്പോഴാണ്
അമ്പാടിക്കണ്ണന്മാര്
പട്ടിക്കൂടുകളിലിരുന്നു തേങ്ങുന്നത്.
ഭരണസിരാപടലങ്ങളില് നിന്നും
ദരിദ്രദൈവങ്ങള്ക്കു നേരെ
തീയുണ്ടകള് വര്ഷിക്കുന്നത്.
അശാന്തയായ മാതാവ്
പിതാവില് നിന്നും
മകളെ രക്ഷിക്കാന്
വിഷനാഗങ്ങള്ക്ക്
മുലകൊടുക്കുന്നത്.
കൊമ്പുള്ളവന്
രാജാവാകുമ്പോഴാണ്
രക്തസാക്ഷികളുടെ
സ്മൃതികുടീരങ്ങളില് നിന്നും
തീക്കാറ്റുയരുന്നത്.
അക്ഷരങ്ങള്ക്കിടയില് നിന്നും
ഇടിമിന്നലുകള് പിറക്കുന്നത്.
ചരിത്രത്തിന്റെ അടരുകളില് നിന്നും
കൊമ്പുള്ളവനെ കുരുതി കഴിച്ച
പോരാട്ടക്കഥകള്
പുനര്ജ്ജനിക്കുന്നത്.
ഇരുള്മൃഗത്തിന്റെ
ഉടലു പിളര്ന്നു
പകല്പ്പക്ഷിയെ രക്ഷിക്കാന്
ഇരട്ടച്ചങ്കുള്ള ചെറുപ്പക്കാര്
രക്തസാക്ഷികളായ്
ജനിക്കാന് കൊതിക്കുന്നത്.
---------------------------------------------
