മഴയാണ് , മൂടിക്കിടക്കും മനസ്സിന്‍റെ
പടിവാതിലൊക്കെയും തഴുത്തിട്ടിരിക്കുന്നു
പുഴയാണ് ; വെള്ളം തികട്ടിത്തികട്ടിയെന്‍
മുടിയോളവും വന്നു മൂടുന്നു പിന്നെയും
പഴയോരു വീടിന്‍റെ ചോരുന്ന കോലായി -
ലകമേ നനഞ്ഞു കിടക്കയാണോര്‍മകള്‍
പുഴ നീന്തിയാണ് കടന്നതു ദൂരങ്ങള്‍
മഴയിലൊലിച്ചുപോയ്‌ കണ്ണുനീരൊക്കെയും .
* *
മകളേ , നിലാവത്തു ഞാന്‍ നട്ട ചെമ്പകം
നിറയെയും പൂത്ത , തീമഴയിലാണിന്നലെ
ഒരു പൂവുപോലും കൊഴിഞ്ഞില്ല , മാനത്ത്‌
വളര്‍പന്തലിട്ടു മഴത്തോര്‍ച്ചയില്‍ പകല്‍
നനയാതെ പോകുവാനാകാതെ കാലങ്ങള്‍
ചുഴലവും തോരാതെ പെയ്യുന്ന നേരത്ത്
മഴയത്തുപോകിലും പൈതലേ , പോകുന്ന
വഴിയൊക്കെയും നിലാവാക്കുന്നു പൂവുകള്‍ .
No comments:
Post a Comment