ഒരുദിനം ബെല്ലടിച്ചിട്ടും
ക്ലാസില് കയറാത്ത ഭൂമിയെ
മൈതാനത്തില്
ചെക്കന്മാര് പന്തുതട്ടിക്കളിച്ചു
വേറൊരുദിനം
കളിവഴിയില്
കല്ലുകളിച്ചുകൊണ്ടിരുന്ന ഭൂമിയെ
പെണ്ണുങ്ങള് ബാഗിലെടുത്തുവെച്ചു
മായ്ക്കാന് വെള്ളത്തണ്ടില്ലാഞ്ഞിട്ട്
കാടുവെട്ടിത്തെളിച്ചവര്
ഭൂമിയെ നഗ്നയാക്കി
എങ്കിലും അവള് നിന്നു
നിശ്ശബ്ദയായ്
ഏതോ ഒരു രാത്രിയില്
ശല്യം സഹിക്കാനാവാതെ തേങ്ങി
അവള് തീയില് വെന്തമര്ന്നു.
No comments:
Post a Comment