നിന്നിലേക്ക് പ്രവേശിക്കുമ്പോൾ
ഞാൻ സിറിയയിലെ മാലൂലായിൽ
ദൈവം എനിക്കായി തുറന്നു തന്ന
ഒരു മലയിടുക്കിലേക്ക്
പ്രവേശിക്കുകയാണ് .
അവിടെയെത്താൻ ഞാൻ
കളിമണ്ണിൻ
കുന്നുകളിലും
ഈർപ്പമുള്ള താഴ്‌വരകളിലും
കൂടി സഞ്ചരിച്ചു ,
വാക്കുകളിലും ദാഹങ്ങളിലും
പാട്ടുകളിലും കൂടി .
ഈ ചുവന്ന
പശമണ്ണ്‌
ഞാൻ അറിയും ,
കോരിച്ചൊരിയുന്ന
ഈ മഴയും .
ഒരുവൻ എന്റെ പിറകെ
വാളുമായി വരുന്നുണ്ട് ,
അതുകൊണ്ടാണ് തെന്നുമ്പോഴും
ഞാൻ വേഗം കൂട്ടുന്നത്‌ .
പനകളും ഒട്ടകങ്ങളും
എന്നെ കണ്ടുപിടിച്ചു കൂടാ .
രാത്രി വരും മുൻപേ
എനിക്ക് മറുകരയിൽ
എത്തണം .
ഇതാ , ഞാൻ ഉയരുകയാണ് ,
പതിനെട്ടു നിറമുള്ള
മഴവില്ലിലേക്ക് .
പ്രഭോ ,
നിന്റെ രാജ്യം വന്നു .
No comments:
Post a Comment