ഒന്നും തിന്നാന്‍ ഇല്ലാതായപ്പോള്‍
കറുത്ത കുട്ടി മണ്ണ് തിന്നു .
അമ്മ വടിയും എടുത്തു വന്നപ്പോള്‍
വാ തുറന്നു , അതില്‍ അവള്‍ മൂന്നു ലോകങ്ങള്‍ കണ്ടു .
ഒന്നാമത്തേതില്‍
പൊന്നില്‍ പണിത പോര്‍വിമാനങ്ങള്‍
രണ്ടാമത്തേതില്‍
പല നാടുകള്‍ കൊള്ളയടിച്ച
പണവും അറിവും
മൂന്നാമത്തേതില്‍
വിശപ്പ്‌ , ഈച്ച , മരണം .
വായ്‌ മൂടാന്‍ അവനോട് അവള്‍ അലറി ;
അതില്‍ ഇട്ടുകൊടുക്കാന്‍ ഒരു പിടി
വറ്റ് ഇല്ലാത്തതുകൊണ്ട് .
പിന്നീട് അവരെ കണ്ടത്
തടവറയുടെ തണുത്ത നിലത്തായിരുന്നു;
ഉരുട്ടി കൊല്ലപ്പെട്ട രണ്ടു
ഒളിപ്പോരാളികള്‍ .
No comments:
Post a Comment