കണ്‍കളില്‍ കനലുള്ള കവിത
കനലിലെന്‍ കണ്ണുള്ള കവിത
പുകയുന്ന കവിത
എരിയുന്ന കവിത
സിരകളില്‍ ലാവയായ്‌
ഒഴുകുന്നു കവിത .
നിറയുന്ന നോവിലെന്‍
വിറയാര്‍ന്ന കയ്യിലേ -
യ്ക്കൊഴുകി വീഴാറുള്ള കവിത
ഇടിമുഴക്കം പോലെ
ഒരു നടുക്കത്തോടെ
ഇടറി ഓടാറുള്ള കവിത
കരയുന്ന രാത്രിയില്‍
പിരിയാതിരുന്നെന്റെ
മിഴിയൊപ്പിടാറുള്ള കവിത .
മുറിവേറ്റ പ്രജ്ഞയില്‍
നറുനിലാവായ് വീണു
പുണരുന്നു ജീവന്റെ കവിത
കുരിശും ചുമന്നു ഞാന്‍
കയറവേ ചാട്ടവാ -
റടിയില്‍ ചിരിക്കുന്നു കവിത .
പെരുവഴിയില്‍
പന്തങ്ങളാളവേ , എന്തിനോ
പിറകേ നടക്കുന്നു കവിത .
ഒറ്റ മുലയില്‍ വിഷമുള്ള കവിത
മറുമുലയില്‍ അമൃതുള്ള കവിത .
കരയുന്ന കവിത
പിരിയാത്ത കവിത
ഹൃദയത്തിലാണിയായ്
തറയുന്നു കവിത .
ചന്ദ്രവളയങ്ങള്‍ മുഴങ്ങുന്ന സന്ധ്യയില്‍
ചെഞ്ചോര പൊടിയുന്ന വാക്കുകള്‍ വറുക്കവേ
നെഞ്ചില്‍ ചവിട്ടുന്നു കവിത
ചെണ്ടമേളത്തിലെന്‍ ചിന്തകള്‍ ഭ്രാന്തമായ്
വിങ്ങുമ്പൊളുറയുന്നു കവിത
ഒരു കൈയില്‍ വാളുള്ള കവിത
മറുകൈയില്‍ പൂവുള്ള കവിത
മുറിവിലെരുവിറ്റിറ്റു വീ -
ണലറുമ്പോഴെന്നിലേ -
യ്ക്കിഴയുന്നു ശീതാര്‍ദ്ര കവിത
വെറുതെ നടക്കവെ
കദനത്തിലേയ്ക്കു തീ
മഴയായിപ്പെയ്യുന്നു കവിത
തല മടിയില്‍ വച്ചിതാ
തഴുകുന്നു , പിന്നെയും
കരയുന്നു ശോകാര്‍ദ്രകവിത ,
ഇടനെഞ്ചു പൊട്ടി ഞാന്‍
പാടവേയക്ഷര -
ക്കുരവയായ് നിറയുന്നു കവിത
കവിതയസ്വസ്ഥത
കവിതയെന്‍ സ്വസ്ഥത
പൊരുളിന്നമൂര്‍ത്ത വികാരസംഗീതിക
കവിതയാത്മാര്‍ത്ഥത
കവിത വിശ്വസ്തത
കവിതയെന്‍ പ്രാണനോവിന്റെ പരമ്പര .
പുകയുന്ന കവിത
എരിയുന്ന കവിത
സിരകളില്‍ ലാവയായ്‌
ഒഴുകുന്നു കവിത .
നിറയുന്ന നോവിലെന്‍
വിറയാര്‍ന്ന കയ്യിലേ -
യ്ക്കൊഴുകി വീഴാറുള്ള കവിത
ഇടിമുഴക്കം പോലെ
ഒരു നടുക്കത്തോടെ
ഇടറി ഓടാറുള്ള കവിത
കരയുന്ന രാത്രിയില്‍
പിരിയാതിരുന്നെന്റെ
മിഴിയൊപ്പിടാറുള്ള കവിത .
മുറിവേറ്റ പ്രജ്ഞയില്‍
നറുനിലാവായ് വീണു
പുണരുന്നു ജീവന്റെ കവിത
കുരിശും ചുമന്നു ഞാന്‍
കയറവേ ചാട്ടവാ -
റടിയില്‍ ചിരിക്കുന്നു കവിത .
പെരുവഴിയില്‍
പന്തങ്ങളാളവേ , എന്തിനോ
പിറകേ നടക്കുന്നു കവിത .
ഒറ്റ മുലയില്‍ വിഷമുള്ള കവിത
മറുമുലയില്‍ അമൃതുള്ള കവിത .
കരയുന്ന കവിത
പിരിയാത്ത കവിത
ഹൃദയത്തിലാണിയായ്
തറയുന്നു കവിത .
ചന്ദ്രവളയങ്ങള്‍ മുഴങ്ങുന്ന സന്ധ്യയില്‍
ചെഞ്ചോര പൊടിയുന്ന വാക്കുകള്‍ വറുക്കവേ
നെഞ്ചില്‍ ചവിട്ടുന്നു കവിത
ചെണ്ടമേളത്തിലെന്‍ ചിന്തകള്‍ ഭ്രാന്തമായ്
വിങ്ങുമ്പൊളുറയുന്നു കവിത
ഒരു കൈയില്‍ വാളുള്ള കവിത
മറുകൈയില്‍ പൂവുള്ള കവിത
മുറിവിലെരുവിറ്റിറ്റു വീ -
ണലറുമ്പോഴെന്നിലേ -
യ്ക്കിഴയുന്നു ശീതാര്‍ദ്ര കവിത
വെറുതെ നടക്കവെ
കദനത്തിലേയ്ക്കു തീ
മഴയായിപ്പെയ്യുന്നു കവിത
തല മടിയില്‍ വച്ചിതാ
തഴുകുന്നു , പിന്നെയും
കരയുന്നു ശോകാര്‍ദ്രകവിത ,
ഇടനെഞ്ചു പൊട്ടി ഞാന്‍
പാടവേയക്ഷര -
ക്കുരവയായ് നിറയുന്നു കവിത
കവിതയസ്വസ്ഥത
കവിതയെന്‍ സ്വസ്ഥത
പൊരുളിന്നമൂര്‍ത്ത വികാരസംഗീതിക
കവിതയാത്മാര്‍ത്ഥത
കവിത വിശ്വസ്തത
കവിതയെന്‍ പ്രാണനോവിന്റെ പരമ്പര .
No comments:
Post a Comment