ആദ്യനാളുകളിലെ തിരക്കിനുശേഷം
നാം ഏകാകികളായിത്തീരുന്നു
വിയര്‍ക്കാന്‍ നെറ്റിയില്ല
മിടിക്കാന്‍ ഹൃദയമില്ല
ഉയര്‍ത്താന്‍ കൈയ്യില്ല
നടക്കാന്‍ കാലില്ല
ആദ്യനാളുകളില്‍
ഓര്‍മ്മകള്‍ നാം വൃത്തിയായി അടുക്കിവയ്ക്കും
പുതിയവീട്ടിലെ അലമാരകളിലെപ്പോലെ
അടുത്തദിവസം ചിലതു കാണില്ല
ഓര്‍മ്മിക്കാനെത്ര ശ്രമിച്ചാലും കിട്ടില്ല
ചിലതിനെ നിലനിര്‍ത്തുന്ന അടിസ്ഥാനങ്ങള്‍
ഭൂമിയില്‍ ഇല്ലാതാവുന്നു
ചിലതോര്‍ക്കുമ്പോള്‍ മാത്രം
ഒരിക്കല്‍ ജീവിതമുണ്ടായിരുന്നവരായിത്തീരു
അവര്‍ പറയുന്നത്‌ മുഴുവന്‍
അത്യാര്‍ത്തിയോടെ കാതോര്‍ത്തിരിക്കും
ഒരുളുപ്പുമില്ലാതെ
No comments:
Post a Comment